Quacquarelli Symonds компаниясы атаулы рейтингті биыл 11-ші рет жариялап отыр. Биылғы тізімдегі қалалар саны 20 қалаға артық.
Үздік қалалар рейтингіне ену үшін бірнеше шарт бар — қала тұрғынарының саны 250 000-нан асуы және қаладағы ЖОО саны екіден кем болмауы қажет. Ары қарайғы шарттар тікелей университеттерге байланысты. Яғни, рейтинг алты санат бойынша жасақталған: QS World Universities Rankings 2024 университеттер рейтингінің қатысушысы болу, сұраныс, студенттердің құрамы, қаржылық қолжетімді болуы, жұмыс берушілердің қызығушылығы, білім алушылардың пікірі.
Сонымен, QS Best Student Cities 2024 тізімінде көшбасшы қала — Лондон. Алғашқы ондықтың ішіне Токио, Сеул, Мельбурн, Мюнхен, Париж, Сидней, Берлин, Цюрих және Бостон кірген.
Көшбасшы ондықтың ішіне өткен жылы енген Эдинбург қаласы биыл 16-шы орынға тұрақтаған. Мюнхен қаласы былтыр екінші орын алса, биыл төртінші орынға төмендеген. Ал Қазақстан қалаларына келсек, ел жастары арман қуып келетін әсем қала Алматы — 81, ал еліміздің бас қаласы одан 40 сатыға төмен — 121 орынға іліккен.
- Источник:
- @dots_foto
QS есебінде Алматының қолайлы ауа-райы мен әдемі табиғаты атап өтілген. Ал елордамыздың статусына сай, жастарға беретін мүмкіндіктерін атап көрсеткен.
Дегенмен, нәтижелері көңіл көншітпейтін қалалар да бар. Өткен жылы екінші орын алған Мюнхен үш сатыға төмендесе, бұған дейін алғашқы ондыққа кірген Эдинбург қазір 16-орында.
Алматы мен Астана қалаларында оқудың артықшылықтарына да тоқталып өткен. Алматы әсем табиғаты мен өмір сүруге қолайлы болса, Астана ел астанасы болғандықтан жеке даму үшін көп мүмкіндіктер болатынын атап өткен.