Тағы бір жұлдызды қалыңдық — қазақстандық шахматшы Динара Сәдуақасова. Спортшы ару олигарх Болат Өтемұратовтың келіні атанбақ.
Динараның таңдауы — Өтемұратовтар отбасының кіші ұлы Әнуарға түсіп отыр. Әзірге белгілісі — той күзге жоспарланған.
Динара Сәдуақасова — 20 жасқа дейінгі әлем чемпионы және Азия чемпионы, әйелдер арасындағы халықаралық гроссмейстер. Жасы 26-да.
Ал 40 жастағы Әнуар Өтемұратов — «Alassio Capital» ФПИ Директорлар кеңесінің басшысы, «VOX POPULI» сайтының иесі. Алдындары Қазақстандағы Burger King мейрамханаларының жұмысына жетекшілік етті. Болат Өтемұратовтың өзі — қазір Қазақстан теннис федерациясының президенті.
Осы жылдың сәуір айында халықаралық гроссмейстер, Алматы мәслихатының депутаты Жансая Әбдімәлік «Қазақмыс» корпорациясының басқарма төрағасы Нұрахмет Әлиевке тұрмысқа шыққан болатын.
Осыған дейін біз әнші Индира Еділбаеваның тұрмыс құрғаны жайлы жаздық.