Индонезия ресми түрде Қазақстанды Visa Kunjungan режімі бар елдер тізіміне қосты. Енді қазақстандықтарға қысқа мерзімге бару мақсатында алдын ала құжаттарды рәсімдеуге немесе Visa on Arrival үшін төлеуге қажеті жоқ. Шешім өзара әрекеттестік принципінде негізделген. 2026 жылғы шілдеде Қазақстан индонезиялық төлқұжаттардың иелеріне 30 күндік визасыз режим енгізген, енді Индонезия дәл солай жауап қайтарды.
Бұл режим A1 туристік санатына жатады және елге бір рет кіруге әрі келген күннен бастап 30 күнге дейін болуға мүмкіндік береді. Оны туристік мақсатта, туыстар мен достарға бару, конференциялар мен іскерлік кездесулерге қатысу, сондай-ақ Индонезия аумағы арқылы транзитпен өту үшін пайдалануға болады. Елге кіру үшін демеуші немесе кепілгер қажет емес, визаның құны — 0 индонезиялық рупий. Яғни, виза тегін!
Бұл ретте елде болу мерзімін тағы 30 күнге ұзартуға болмайды. Сондай-ақ ел аумағында визаның бұл түрін басқа санатқа ауыстыруға рұқсат етілмейді. Егер сапар бір айдан ұзақ уақытқа жоспарланса, алдын ала басқа нұсқаны таңдау қажет. Мысалы, бұрынғыдай, елде болу мерзімін тағы 30 күнге бір рет ұзартуға мүмкіндік беретін Visa on Arrival визасын немесе туристік, іскерлік не жұмыс визасын рәсімдеуге болады.
Тағы бір маңызды жайт: визасыз режим жұмыс істеуге құқық бермейді. Шетел азаматтарына коммерциялық қызметпен айналысуға, жұмысқа орналасуға немесе Индонезиядағы компаниялар мен жеке тұлғалардан сыйақы алуға тыйым салынады.
Индонезияға кіру үшін Қазақстан азаматтарына 2026 жылдан бастап не керек? Барлық шарттар:
• Әрекет етуші ұлттық шетелге шығу паспорты;
• Паспорттың әрекет ету мерзімі алты айдан кем болмау;
• Қайту билеті немесе Индонезиядан басқа елге ұшуға билет
• Толтырылған электронды декларация All Indonesia — елге шетелден келген барлық келушілерге міндетті және алдын ала онлайн-форма арқылы.
Индонезияның Иммиграция қызметі кіруге арналған электронды рұқсатты ресми портал арқылы алдын ала рәсімдеу мүмкіндігін де қарастырған. Бұл жағдайда саяхатшы жекелеген өткізу пункттерінде автоматтандырылған бақылаудан өте алады.