Алматы әуежайының баспасөз қызметінің хабарлауынша, әуе айлағында үй жануарларына арналған демалыс аймағы ашылды. Бұл жерде таза су диспенсерлері мен тамақтандыру орны қарастырылған.
Бүгін үкіметтегі брифинг барысында әуежай президенті Гокер Косе үй жануарларына арналған аймақтың пилоттық режимде іске қосылатынын хабарлады.
«Жалпы, көп адамның арасында жануарлар үрейге түсіп, тығылатын орын іздеуі мүмкін. Егер жолаушыларға бұл аймақ [үй жануарларына арналған аймақ] ұнаса, осындай алаңды ішкі рейстер терминалында да ашуды жоспарлап отырмыз», — деп оның сөзін Informburo.kz келтірді.
2024 жылдың қыркүйегінде Томас есімді мысық ұшаққа отырғызу кезінде тасымалдағыштан қашып шығып, қолжетімсіз жерде тығылып отырған. Кейінірек белгілі болғандай, қызметкерлердің бірі оны далаға тастапжіберген. Мысықты төрт аптадан кейін таптық.
«Бұл біз үшін жақсы сабақ болды. Біз багажды өңдеуге қатысты өз тарапымыздан кемшіліктер бар екенін жақсы түсінеміз. Сонымен қатар, үй жануарларын тасымалдайтын жолаушылардың да өз қылықтарында қателіктер бар. Олар бұл жағдайға жеткілікті деңгейде дайын емес», — деп атап өтті Косе.