- Источник:
- Independent Photo Agency Srl
«Практикалық люкс» — дәл осылай Max Mara креативті директоры Иен Гриффитс жаңа көктем-жаз 2027 топтамасын атады. Барлық топтама кез-келген ауа-райына келетін ең практикалық киімдерден тұратын конструктор сияқты жинақталған. Бұл сафари костюмдер, карго-кеудешелер және тренчтер. Дизайнердің сөзі бойынша, мұндай киім — «өмірі қарбалас, ісі көп әйелдің белгісі», кез келген күнге толық дайындық сезімін қалыптастырады. Бұл — өмірге арналған киім.
- Источник:
- IPA/SIPA
Гриффитс — сән индустриясында ең ұзақ жұмыс істеп жүрген креативті директорлардың бірі. Ол компанияда 40 жыл!
Бұл — Max Mara-ның тағы бір болжамды, сенімді, бірақ әдеттегідей өте әдемі көрсетілімі. Трендтер де, батыл эксперименттер де, тосынсыйлар да жоқ. Сондықтан назар еріксіз киімдердің өзіне — олардың элеганттылығы мен сапасына ауды. Тығыз зығыр мата кей тұста былғарыны еске салса, трикотаж көйлектер тым қынама пішінге түспей, артық ашықтық пен мөлдірлікке жол бермей-ақ сексуалды қалпын сақтады. Ал арқасы ашық үлгілер мен халтер-мойын ойықтары топтамаға нәзік сезімталдық қосты.
Дизайнер өз үлгілерінің барлығын кеңсесінде жұмыс істейтін әйелдерге кигізіп сынайтынын айтты. Осылайша әр киімді шынымен киіп, күні бойы ештеңеге алаңдамай жүруге болатынына көз жеткізеді.
