Өз отанында, Испанияда, Хосе Каррерасты жиі El Gran Tenor («Ұлы тенор») немесе La Voz de Barcelona(Барселонаның дауысы) деп атайды, бұл оның опера өнеріндегі аса зор маңызын және шыққан тегін айқындайды. Әлемдік сахнада ол Пласидо Доминго және Лучано Павароттимен қатар «Үш тенордың» бірі ретінде танымал. 2025 жылы классикалық музыканың жұлдызы, заманауи операның ұлы теноры үлкен сахнамен қоштасып, өзінің соңғы әлемдік турына аттанады. Аңыздың гастрольдік бағдарламасына бірден Қазақстанның екі қаласы енгізілді!
Әдемі күні, 2025 жылдың 25 маусымында, Хосе Каррерас Астанадағы «Қазақконцертте», ал 28 маусымда — алматылық Almaty Arena-да өнерін көрсетеді. Екі кеште де атақты испандық дирижер Давид Хименес басқаруымен симфониялық оркестрдің сүйемелдеуімен өтеді және классикалық музыканы бағалайтындар үшін ерекше мерекеболмақ.
Жарқын мансабы бойы Каррерас Верди, Пуччини, Доницетти және басқа да ұлы композиторлардың шығармаларында жетекші партияларды орындады. Ол Ла Скала, Метрополитен опера, Ковент-Гарден және Вена операсы сахналарын бағындырды.Сонымен қатар, оның дауысы 1992 жылы Барселонада өткен Олимпиада ойындарының ашылу және жабылу салтанаттарында шырқалды.
Сондай-ақ, Каррерасты «Үміт теноры» деп атайды, бұл оның 1980-жылдары лейкемияны жеңуімен байланысты. Жазылып шыққаннан кейін ол осы дертке шалдыққан науқастарға көмек көрсету мақсатында José Carreras International Leukaemia Foundation қайырымдылық қорын құрды. Ол күрес пен шабыттың символына айналды.
Бұл Хосе Каррерастың Қазақстандағы алғашқы өнер көрсетуі емес — ол біздің елді өте қатты жақсы көріп, бүкіл мансабы бойы мұнда жиі келуге тырысты. Алайда бұл жолы, сөзсіз, тарихи оқиға болмақ.
Хосе Каррерастың қоштасу турыныңконцерттеріне билеттерді қазірден бастап сатып алуға болады.