Marble Set — Beautyproff қылқалам жиынтықтары, TruNomad бие сүті қосылған қол кремдері, Darling екі фазалы маскалары, Okolo көпфункциялы сарысулары, Coola күннен қорғайтын блокаторлары және әлемнің түкпір-түкпірінен келген жүздеген сұлулық бестселлерлері — Алматыдағы «Золотое яблоко» жаңа бьюти-кеңістігінде.
- Источник:
TruNomad
Айдың басында оңтүстік астанада желінің Қазақстандағы ең ірі дүкенінің салтанатты ашылуы өтті. Бұл — ритейлердің елдегі бесінші, ал Алматыдағы үшінші нүктесі. Жаңа бьюти-дүкен (бүкіл бір бьюти-мемлекет!) қаланың төменгі бөлігінде орналасқан «Мега Парк» сауда және ойын-сауық орталығының бірінші қабатында жайғасқан. Оның аумағы 1 500 шаршы метрді құрайды, бұл оны республикадағы брендтің барлық дүкендерінің ішінде ең ірісі етеді. Дүкен күн сайын 10:00–ден 22:00–ге дейін жұмыс істейді. Сатып алушылар үшін тауарлар мен шопинг қана емес, сонымен қатар мамандардың кеңестері, шеберлік сабақтары және сауда мен ойын-сауықты біріктіретін retailtainment тұжырымдамасы рухындағы түрлі көңіл көтеру іс-шаралары қарастырылған.
Ашылу құрметіне арналған мерекелік шаралар бүкілуикенд бойы өтті. Оған Қазақстанның жұлдызды визажистері — Айдана Кентаева мен Алмат Аскар қатысып, өздерінің мастер-класстарын көрсетті. Бұдан бөлек, келушілер ауқымды арт-нысан жасауға атсалысып, тақырыптық аймақта фотоға түсіп, керемет бьюти-бокстар ұтып алу және кәсіби мамандар көмегімен макияж жасау мүмкіндігіне ие болды.
Физикалық дүкендерден бөлек, «Золотое Яблоко» онлайн бағытын да дамытып келеді — сайт пен мобильді қосымша арқылы берілген тапсырыстар Қазақстанның іс жүзінде барлық елді мекеніне жеткізіледі. Ассортиментте әлемдік деңгейдегі 1 300-ден астам бренд бар — масс-маркеттен бастап люкске дейін, соның ішінде декоративті және күтімге арналған косметика, парфюмерия, үй тауарлары, аксессуарлар мен техника. Ерекше орын қазақстандық маркаларға берілген, олардың қатарында Parfum De Vie, Genome, TruNomad, Beautyproff және басқалары.