Қасым-Жомарт Тоқаев одан басқа «Неке (ерлі-зайыптылық) және отбасы туралы» кодекске өзгерістер енгізетін заңға қол қойды.
Осылайша, Қылмыстық кодекске жаңа 125-1-бап — «Неке қиюға мәжбүрлеу» енгізіледі. Енді бұл қылмыс үшін келесі жазалар көзделеді:
• · 2000 АЕК-ке дейін (шамамен 7,8 миллион теңге) айыппұл;
• · түзеу жұмыстары;
• · бостандығын шектеу/бас бостандығынан 2 жылға дейін айыру;
• · ауыр салдарға әкелген жағдайда — 5 жылдан 10 жылға дейін түрмеге қамау.
Сталкинг үшін де қылмыстық жауапкершілік енгізіледі. Бұл қылмыс үшін келесі жазалар қарастырылған:
• · 50 тәулікке дейін қамауға алу;
• · 200 сағат қоғамдық жұмыстар;
• · 200 АЕК-ке дейін (шамамен 786 мың теңге) айыппұл.
Бұған қоса, өзгерістер келесі шараларды көздейді:
· жеке тұлғаға қарсы ауыр және аса ауыр қылмыстар үшін жауапкершілікті күшейту;
· кәмелеттік жасқа толмағандарға, әйелдерге және I немесе II топтағы мүгедектігі бар тұлғаларға өмір бойына бас бостандығынан айыру жазасы тағайындалмайды;
· мүгедек баланы тәрбиелеп отырғандарға шартты түрде мерзімінен бұрын босату қолданылуы мүмкін;
· шылымға жатпайтын темекі өнімдерін және вейптерді сату не тарату мақсатында сақтау, жөнелту және тасымалдау үшін қылмыстық жауапкершілік белгіленеді.