Өткен айда ауқымды музыкалық фестивальдің ұйымдастырушылары Yandex Park Live өздерінің атаулы іс-шараларының хэдлайнерлерін хабарлады. Ол британ тобы Placebo, оңтүстік африкалық дуэт Die Antwoord, американдық рэпер-сәнқой Tyga және қазақстандық сүйікті Скриптонит. Вау-эффект және sold out қамтамасыз етілген сияқты. Алайда, бұнымен тосын сый біткен жоқ және Park Live пен Yandex Qazaqstan командалары музыканың барлық жанкүйерлерін жақсы жағынан таңқалдыруды жалғастыруда.
Алматыдағы фестивальдің тағы бір халықаралық хэдлайнері британ тобы Editors болады. Бирмингемнен шыққан екі мыңыншы жылдардағы жұлдызды роккерлер 2024 жылғы 8 қыркүйекте Первомай тоғандарында ән шырқайды. Топтың еншісінде Brit Awards, Mercury Prize және World Music Awards беделді премиялардың номинациялары, сондай-ақ екі платина студиялық альбомдар. Олардың шығармашылықтарына үлкен әсер еткен R.E.M тобы. Сол себепті музыканттардың көптеген композицияларында сексенінші жылдардағы дыбыстау естіледі. Editors өздерінің трек-листтерін әлі жариялаған жоқ, бірақ бірнеше мыңдаған көрермен әйгілі Papillon, Munich және Not Sound but the Wind тректеріне билейтіндіктеріне сенімді.
Қазіргі уақытта Yandex Park Live қатарының бөлігі ғана белгілі болды. Үш күнге жоспар осындай:
6 қыркүйек — Die Antwoord, Oliver Trее
7 қыркүйек — Tyga, Скриптонит, Brennan Savage
8 шыркүйек — Placebo, Editors.
Yandex Park Live фестивалі. 6-8 қыркүйек, Алматы, Первомай тоғандары. Билеттерді park.live сатып алуға болады.